მარიამ სანთელაძე ორსონის კორპორატიული იურისტი და სერტიფიცირებული პერსონალურ მონაცემთა დაცვის ოფიცერია. იგი გუნდის ერთ-ერთი წამყვანი წევრია და მუშაობს კომპანიების ყოველდღიურ სამართლებრივ საკითხებზე, ხელშეკრულებებზე, კორპორატიულ დოკუმენტაციასა და პერსონალური მონაცემების დაცვაზე.

მარიამის საქმიანობა მოიცავს სამართლებრივი საკითხების კვლევას, დოკუმენტაციის მომზადებას, სახელმწიფო უწყებებთან ურთიერთობასა და კლიენტებისთვის პრაქტიკული რეკომენდაციების შემუშავებას. მონაცემთა დაცვის მიმართულებით მუშაობს კომპანიების შიდა წესების, პოლიტიკებისა და მონაცემთა დამუშავების პროცესების სამართლებრივ მოწესრიგებაზე.

მის მნიშვნელოვან პროფესიულ მიღწევებს შორისაა საქართველოს პადელის ასოციაციისთვის გაწეული სამართლებრივი სამუშაო, რომლის შედეგადაც პადელმა საქართველოში სპორტის სახეობის სტატუსი მოიპოვა. მარიამმა უზრუნველყო ამ პროცესის სამართლებრივი მხარდაჭერა და შესაბამის უწყებებთან ურთიერთობა.

საქმის საფუძვლიანი შესწავლა, პასუხისმგებლობა და პროცესის ბოლომდე მიყვანა მარიამის მუშაობის მნიშვნელოვანი ნაწილია.